今晚法甲由兩支前聯賽冠軍對碰，里爾主場鬥波爾多。兩支球隊雖然喺聯賽仲未開齋，但考慮到里爾開季賽程惡啃，都叫做情有可原，呢鋪回師主場小讓平半，1.8倍上盤有得諗。 （TVB301周日晚8:00直播）

里爾一開季分別惡鬥上季聯賽「一哥」巴黎聖日耳門同「三哥」摩納哥，夾埋攞到1分兼且只係失1球，表現都算係咁。今晚相信係佢哋開齋嘅好機會，事關佢哋近年喺自己地頭鬥波爾多表現硬淨，合共取得3勝1和不敗佳績，呢鋪仲唔搵對手祭旗。

波爾多踢落唔對辦
至於同得1分嘅波爾多，開季主場對蘭斯竟然被對手反咬一口輸波收場，之後作客聖伊天靠運喺尾段追和對手1:1，睇落唔多對辦。而且中場柏拉斯、施迪、守將魯杜域辛尼全部打柴，仲邊度值得秤先呢？