銀河艦隊皇家馬德里今晚首戰作客鬥升班球隊希杭。皇馬近年開季表現慢熱，從近期熱身賽所見，一班球星似乎亦未入最弗狀態，今場建議捧細盤。（now 632周一凌晨2時30分直播）

向來收購球員注重名氣嘅皇馬今季一反常態，剛加盟嘅克羅地亞小將高華錫轉會費雖高達3,500萬歐元，但名氣同和身價不相符，右閘丹尼路雷斯及由波圖回購嘅防中卡斯米路亦唔算太起眼，買人方針非常切合新教練賓尼迪斯嘅作風。皇馬早前熱身賽對住拜仁、華拉倫加都入唔到波，上周主場面對加拉塔沙雷就算有傷愈嘅C朗拿度復出掛帥，最終亦只能險勝2比1，球員狀態有待改進。

希杭主場頂得住
希杭為上季西乙亞軍，今季除保留了原有班底，同時借用了羅馬前鋒東尼沙拿比亞及有「新莫迪歷」之稱嘅巴塞小將夏利洛域。希杭上季喺西乙廿一場主場聯賽只輸一場，為主場輸波次數最少嘅球隊，面對粒粒皆星嘅皇馬肯定主守。翻查紀錄，皇馬對上三季首輪西甲雖然取得兩勝一和不敗成績，但從未試過單場入多過兩球。要留意2013至14球季以2比1擊敗貝迪斯，當時大細中位數為3.5球，換句話說皇馬已經連續三季首戰開細盤，今仗不妨再追。