英冠競爭愈嚟愈大，米杜士堡、打比郡、伯明翰、列斯聯呢啲大家都應該聽過吓嘅球隊已經絕迹英超多年，連續兩季衝英超失敗後，換上新帥嘅「綿羊」打比郡今季繼續被視為升班熱門，但球隊開季至今仍未開齋，佢哋今場作客伯明翰，雙方近六次交手常開大，今場都係捧大盤穩陣啲。

（TVB 301周六凌晨2時45分直播）

見到米杜士堡搵嚟前皇家馬德里助教卡蘭卡執教後成績大躍進，炒咗麥卡倫嘅「綿羊」亦有樣學樣，今夏請嚟安察洛堤嘅左右手保羅基文迪領軍，英國籍嘅保羅基文迪分別喺車路士、巴黎聖日耳門同皇家馬德里擔任「肥安」嘅助教，「肥安」曾喺一次訪問中大讚基文迪好幫得手：「保羅係我見過最好嘅助手，佢有成為一名教頭嘅能力同經驗。」雖然保羅基文迪備受推崇，但從未擔任過領隊一職點都要擺低一啲學費，打比郡喺英冠踢咗3場，全部和波，今場作客想贏伯明翰，難度高啲噃。

伐木者喜遇殘陣戴拿模
伯明翰借將莊杜拉狀態大勇，呢位阿仙奴廿歲西班牙中場新星上季借去賓福特表現出色，今季被借到「阿伯」繼續有好表現，喺聯賽上陣兩場入咗兩球，腳風頗順，加上球隊喺教頭羅維特帶領下戰鬥力愈嚟愈勁，有力挑戰英冠列強。「阿伯」近6次對打比郡有5場開大，今場一於再追入球大！

聽朝美職獨腳戲亦有直播，波特蘭伐木者主場對侯斯頓戴拿模，伐木者主場戰績標青，近7次主場贏咗6場，遇着有中場列卡度奇勒、路夫祖爾避戰嘅戴拿模，主勝捧得過！

（TVB 301周六早上11時直播）

最後講埋挪超賽事，排緊尾二嘅特林素作客利尼史特朗，特林素作客例牌腳軟，近9場作客未贏過，當中輸咗7場，難得今場主勝有1.85倍，梗係要捧啦！

（周六凌晨1時開賽，馬會網上文字直播）