瑞士球隊巴素利主場對以色列特拉維夫馬卡比，以色列聯賽仲未開咧，特拉維夫馬卡比狀態肯定不及巴素利，而且馬卡比有「恐瑞症」，過去6次對瑞士球隊只得3和3負，包括對住巴素利2和2負，巴素利上屆打入16強顯示級數，今次要淘汰馬卡比重溫美夢，首回合主場冇得縮，入多兩粒先夠保險，撐讓球主勝。（有線63台周四凌晨2時45分直播）

巴素利上屆直接進身分組賽，同組對手有皇家馬德里、利物浦同盧多格德斯，結果皇馬6戰全勝，而巴素利就力壓利物浦次名出線，主場表現Sharp醒，即使對住皇馬都撳住踢，射門次數仲多過皇馬，最終雖然輸0比1但贏盡掌聲，今次對手特拉維夫馬卡比肯定唔係嗰皮，巴素利為爭入分組賽，梗係撳住搶。

特拉維夫馬卡比實力一般之餘，球隊以往對住瑞士球隊未贏過，球隊依靠曾効力貝迪斯嘅尼日利亞中場艾治保，叻極有限，今仗只係希望輸少啲，但巴素利點會咁易放過你，一於揀巴素利炒番場。