美職愈嚟愈多球星加盟，賽事精彩程度都提升好多，聽朝7點紐約紅牛主場迎戰FC多倫多，兩隊王牌球星巴利胡禮菲臘斯同基奧雲高呢期都着晒火，今場大戰入波唔會少，玩1.5倍「入球大」好路呀！ （TVB301周日早上7:00直播）

紅牛近期炙手可熱，上月喺國際冠軍盃連贏車路士同賓菲加兩支歐洲豪門，成隊波士氣到達巔峰，前英格蘭國腳胡禮菲臘斯加盟後令球隊鋒力如虎添翼，不過最威水都係佢細佬巴利胡禮菲臘斯，呢位射手近5場聯賽入4球，火力唔講得笑！

基奧雲高近6仗轟8球
作客嘅FC多倫多近期表現飄忽，近6場聯賽2勝2和2負冇路捉，不過意大利前鋒基奧雲高喺呢6場波狂入8球，多倫多亦已連續7場聯賽開入球大，今場仲有老將前鋒靴古里斯高美斯加盟後首度披甲，兩隊駁火味濃，大家早啲起身睇入球騷啦！