修咸頓上周英超頭炮作客紐卡素，只可以2:2逼和對手，今晚喺回歸主場擺陣鬥愛華頓，誓要不勝無歸！「聖人」同「拖肥糖」上星期都係逼和對手攞得1分，但上仗主場出擊嘅愛華頓，對住新升班嘅屈福特都打成咁，真係信唔過，今場造訪「聖人」怕且凍過水，1.75倍嘅主勝一定要玩！ （now621台周六晚7:45直播）

愛華頓表現唔對辦
「聖人」上周領先住1球，畀紐卡素連入兩粒，好在最後10分鐘靠沙恩朗建奇功，先至執番1分。不過，呢1分都足夠證明佢哋夠晒韌力；雖然賴恩貝特蘭、科連加度斯兩位後場猛將，同埋門將費沙科士打仲抖緊，但係一班進攻球員咁Fit，愛華頓都唔敢壓得太前，現時防線應該頂得住。

至於佢哋嘅對手愛華頓，首輪英超主場鬥屈福特嘅表現唔多掂，如果唔係巴克里同干尼交出兩球「世界波」，跌晒3分絕對唔出奇。弊在「世界波」唔係成日出現，以「拖肥糖」依家嘅狀態，今場都幾難全身而退。