2018年世界盃喺俄羅斯舉行，佢哋其實幾年前開始改革聯賽，希望提升整個俄超喺歐洲嘅排名，做好啲成績，亦希望提升國內足球實力，所以近年聯賽都叫做百花齊放，多咗球隊喺國際球壇讓人認識。

其中一支係魯賓卡山，2009年以歐聯新仔身份作客擊敗巴塞隆拿，從此揚名。魯賓卡山位於喀山，係莫斯科同聖彼得堡後，俄羅斯第三座Ａ級歷史文化城市，喀山於2009年更獲當局宣布為俄羅斯運動之都，積極投放資源落運動，早前就主辦世界游泳錦標賽，兩年後嘅世界盃亦係其中一個比賽城市。

作客古賓吼冷Ｗ
依家魯賓卡山CEO係由一間國營企業嘅董事總經理出任，都係用緊國家錢搞波。不過，今季開咧魯賓卡山四戰全敗，形勢好危吓，之前都仲有世界游泳錦標賽轉移視線，但世錦賽完咗，班官嘅焦點又喺番足球身上，上頭睇到實魯賓卡山係時候做嘢，四連敗之後作客古賓，受讓當然值博，客Ｗ有冷味不妨一博。（周日凌晨2時30分開賽）