啲人話「家有一老，如有一寶」，紐約城三老韋拿、派路同林柏特名氣夠勁，但後兩者加盟冇耐幫唔到球隊，聽朝主場面對三連勝嘅華盛頓聯隊，捧番受讓嘅客隊好過！（TVB 301周五早上7時直播）

其實「鬥牛前鋒」韋拿嚟到美職後入咗13球，絕對係「寶」，但「林伯」同派路兩位中場大師，一個傷一個慢，踢咗幾場美職都未適應，今仗賽前《紐約雜誌》登咗三老搽晒油、着晒背心嘅相片，三個都黑晒口面，可能愁緊點幫球隊止頹。佢哋今場對住東岸榜首華盛頓聯隊，都係捧讓球客勝。

另一場英聯盃賽事，英甲唐卡士打主場對英冠列斯聯，兩軍近六交手全開大，大盤值追！（TVB 301周五凌晨2時45分直播）最後挪威盃8強洛辛堡主場撼莫達倫，洛辛堡八連勝氣勢超強，「讓球主客和」讓到兩球都照捧！（周五凌晨1時35分開賽）