美聯盃4強撐火燄肯體會

明早有兩場美聯盃4強，阿King一次過同大家分析呢兩場波，頭場費城聯主場迎戰芝加哥火燄，雖然芝加哥火燄作客戰績曳，但論近況就點都好過費城聯，加上有往績支持，今場又係一場過決勝負，火燄點都要保住不敗，受讓值得捧場。（周四早上7時30分開賽）

費城聯同芝加哥火燄喺美職總排名分別排19同20，堪稱海軍鬥水兵。費城聯近6場未贏過，今場又有白賴仁施維斯查因傷上陣成疑，加上中場安德魯雲加、洛古拿及梅里斯伊度3大主力因傷亦難出戰，即使有主場之利，取勝難度都好大。芝加哥火燄近5次對住費城聯都能立於不敗之地，當中包括兩場作客，今場再博多佢一次不敗。

另一邊戰線係肯薩斯體育會主場對皇家鹽湖城，肯薩斯體育會主場戰績就犀利咯，近10仗錄得9勝1和，今場主勝有1.6倍，值得捧場。皇家鹽湖城因要兼顧中冠盃，賽程緊密，球隊上仗美職作客大敗溫哥華白帽0比4，可能就係因為呢個原因，今場主勝不容錯過！（周四早上8時30分開賽）

紅鑽強勢劏天鵝
最後講埋日職，新潟天鵝主場對浦和紅鑽呢場波，天鵝有位佗衰家前鋒田中達也，自從天鵝喺2013年從浦和紅鑽簽入佢後，球隊過往6次對紅鑽都輸晒，而紅鑽喺趕走佢後，成績逐漸有好轉，上季日職得亞軍，今季首階段更拎埋冠軍添，所以今場一於再捧浦和紅鑽贏波而回！