法林明高今季走勢反覆，搞到依家只係排第13位，最近對住邦迪比達意外輸0:1，4場不敗走勢告終，聽朝主場迎戰中上游嘅帕拉尼恩斯，想即時反彈都唔係易事。帕拉尼恩斯近期狀態Fit到漏油，面對有主力馬些路施連奴缺陣嘅法林明高，應該可以延續走勢，撐2.1倍「讓球客W」就啱晒喇！（開賽時間：周四早上6:30）

法林明高射手施連奴打柴
帕拉尼恩斯今季表現唔錯，一直都喺前列位置，雖然踏入7月一度連輸3場有少少回落，但經過調整後又再重返正軌，近4戰錄得3勝1和，士氣真係一時無倆。儘管佢哋今場唔齊腳，有後衞基巴臣馬田斯同般奴彭利連拿因傷齊掛免戰牌，幸好呢班波勝在兵多將廣，相信對實力唔會有太大影響。帕拉恩尼斯攻擊力唔算強，但係有禾達漢歷基同馬高達馬仙奴兩位射手，依然極具威脅。

另邊廂嘅法林明高表現就反覆得多，成為依家只可以喺中游掙扎嘅一大要因。最慘係佢哋今場仲要冇埋前線大將馬些路施連奴，火力即時大打折扣，就算今仗有主場之利，面對狀態大勇嘅帕拉尼恩斯，想攞1分都唔容易，相信會陷入苦戰。