啲賭波老江湖成日話「二線波、蠱惑多」，要同球隊、莊家鬥智鬥力，有啲可以好簡單，只係用近況或者對賽往績咁就搞掂，但有時呢啲又可能只係一個煙幕，搭靚個棚等你埋去，真係唔可以一本通書睇到老。

嗱，好似今日有場英甲史雲頓主場對巴拉福特，揸住份近績就梗係要反史雲頓，最近6場輸晒喎，仲唔係近況曳到貼地，但大家睇嘢要睇全盤，佢哋呢6場有5場係季前熱身賽，要留意對手多為英超球隊，包括利物浦、西布朗、阿士東維拉、愛華頓等勁旅，唔輸就假喇。

史雲頓專登示人以弱，又係食大茶飯時間啦，留意番個盤，史雲頓個主W只得2.15倍，水位話晒你哋，呢場史雲頓被睇好，咪見巴拉福特「讓球主客和」受讓就舂埋去，識玩，梗係揀史雲頓啦。（周六晚10時開賽）