除咗車路士對史雲斯外，仲有愛華頓對屈福特嘅英超賽事。「拖肥糖」喺熱身賽表現一般，最大問題係條防線唔係好穩陣，前面入埋唔夠後面輸，加上球隊連續兩季揭幕戰都贏唔到，今仗面對季前積極增兵嘅屈福特，贏波難度唔少，轉捧大盤似乎更穩陣。（now 623周六晚10時直播）

愛華頓今夏並冇大手筆增兵，只係搵返舊將迪路菲奧同簽入「聽明仔」湯卡華利，球隊中場實力雖有所加強，但後衞迪斯甸同艾卡拉斯嘅離開，令原本已唔算穩陣嘅防線，實力進一步被削弱，只能靠史東斯同菲臘積基爾卡支撐大局，難怪喺熱身賽經常失波。

屈福特經驗球員孭飛
「拖肥糖」中堅史東斯近期備受車路士主帥莫連奴垂青，令其飽受轉會傳聞困擾，加上早前受傷未知能否趕及上陣，對球隊嚟講影響甚大。睇往績愛華頓對上四季開咧戰有三次面對升班球隊，但全部贏唔到，今仗遇上有比哈美、祖拉度、伊天卡普爾等有經驗豐富嘅球員在陣嘅屈福特，愛華頓要贏波絕對唔易，反而兩軍喺熱身賽入得又失得，大盤應該更值得捧場。