奧格斯堡今晚會迎接新球季，喺德國盃第1圈出擊，作客非聯賽區隊艾華斯堡，梗係想大炒對手，為新球季壯聲威啦！奧格斯堡讓一球，2.1倍「讓客」好抵玩！（開賽時間：星期六凌晨2:00）

艾華斯堡地區聯賽都未踢掂
奧格斯堡今夏陣容冇太大變動，最主要係簽入自由身球員杜查奧斯基，同埋將上季喺利華古遜借嚟嘅防中杜明歷克哥亞收為己用。雖然新援杜查奧斯基有傷在身，今場極大機會唔出得。慶幸今仗對手艾華斯堡實力唔強，就算奧格斯堡出二隊都應該綽綽有餘。不過，主帥韋恩薛亞賽前講明未必全數副選，或者會要出部分正選，寓賽於操，為德甲開鑼作最後調整。

另邊廂嘅艾華斯堡喺第4級嘅地區聯賽比賽，上季都只可以喺18隊中以第9完成賽季，你就知佢哋實力係「有限公司」。今場與其死守，倒不如放開懷抱去攻，當係練習賽做番自己仲實際。