修咸頓今晚喺歐霸盃第3輪次回合作客荷蘭嘅維迪斯，希望可以守住首回合勝果。修咸頓今季雖然冇咗右閘尼達利基尼，同中場舒尼達連兩位主力，但實力似乎冇受影響。「聖人」首回合已經贏3:0，今場唔會太進取，1.85倍嘅「入球細」值博。（開賽時間：周五凌晨2:00）

首回合贏維迪斯3粒
今季將尼達利基尼賣去利物浦，之後又將中場舒尼達連賣畀曼聯，修咸頓連續兩季不斷流失主力，但睇番過往表現，佢哋一向唔多怕畀人拆骨，上場主場迎戰維迪斯就踢到曉飛咁，憑住加斯安奴柏利、沙恩朗同杜辛泰迪治各入一粒大勝。「聖人」依家Lead住3粒，次回合絕對唔使急，可以歎慢板搓住踢。

另邊廂嘅維迪斯，上季係威係勢咁擊敗施禾利同海倫芬，奪得歐霸盃外圍賽資格，但實力始終爭修咸頓一大截，只可以怪冇籤運。維迪斯今場當然想盡快入番1、2球，但「聖人」同你以慢打快，想入波都唔容易，玩入球細啱數！