有前冇後Vs弗爆射手
今周雖然係國際賽檔期，但澳職仍有比賽上演，周五有場獨腳戲由西悉尼流浪者主場迎戰墨爾本城。早前經歷3連敗嘅流浪者，近期重拾佳態，聯賽連盃賽累積兩連勝兼轟入6球，不過佢哋防線依然存在不少漏洞，今仗遇上有狀態大勇嘅科拿路利領軍嘅墨爾本城，首選中位數2.5/3球嘅入球大。
（有線64及203台周五下午4時50分直播）
澳職常規賽仲有4輪就結束，榜首FC悉尼領先次席嘅墨爾本勝利11分，如無意外應可穩奪常規賽冠軍，不過邊隊參加季後賽仲有價講。今場主角之一嘅流浪者目前以23戰得28分排第6位，領先第7位嘅威靈頓鳳凰5分，仲未肯定攞到前6名，仍需全力爭勝。球隊近兩仗先喺亞冠盃以3:2擊敗FC首爾，之後再於聯賽以3:1擊潰威靈頓鳳凰，終止早前3連敗頹勢，但呢隊波防線始終不穩，聯賽連盃賽近6仗只得1仗冇失波，其餘5仗共失14球，今仗主場出擊預計亦難保不失，隨時以攻代守與墨城駁火。
科拿路利連仗梅開二度
另一邊廂，墨爾本城以23戰得36分排第3位，季後賽資格好穩陣，今仗可輕裝上陣。墨爾本城近9仗聯賽取得4勝1和4負，成績唔算標青，不過每仗總入球皆達3球或以上，真正入得又失得。陣中老將卡希爾代表澳洲出戰亞洲區世盃外圍賽，今仗肯定缺陣，不過聯賽攻入17球嘅科拿路利連續兩場聯賽梅開二度，狀態大勇，何況科拿路利目前喺射手榜僅以1球落後墨爾本勝利前鋒貝利沙，後者今周同樣應付國際賽而無法出戰聯賽，科拿路利正好趁機爭取士哥，中位數2.5/3球嘅大盤值得支持。
