歐霸盃32強次回合賽事，英超勁旅熱刺主場迎戰比利時嘅真特。真特首回合領先1球，今仗作客必定慢慢踢，希望可以保住勝果晉級，連同首回合賽事在內，真特近11仗比賽9次開半場和，今仗不妨追多次。

（Now 670、FSP周五凌晨4時05分直播）

睇牌面熱刺無疑係高啲，不過佢哋今仗只係掛名主場，實際係喺溫布萊球場比賽，眾所周知熱刺今季喺溫布萊比賽踢到一鑊粥，歐聯分組賽3次喺溫布萊上陣輸2場，今場再喺呢個球場出戰，未必可以喺比賽初段收復失地。

真特有1球在手根本唔急，首回合為真特一箭定江山嘅法國前鋒佩比，上周聯賽作客標準列治亦只係後備上陣踢咗幾分鐘，擺明留力。加上球隊近11戰有9仗半場和，包括首回合對熱刺半場都係和0比0，相信佢哋會重施故技，歎慢板睇定嚟食。