Mic少：祖記留力細擒傻豹
 
意甲榜首勁旅祖雲達斯今晚主場對尾三嘅巴勒莫，教練阿里基可以大條道理派副選出戰，留力下周中歐聯16強首回合作客波圖。事實上，祖記即使頻頻贏波，但多數都係「煲魚生粥」僅僅熟，小勝收場，近5場聯賽就有4場贏2比0及1場贏1比0，況且佢哋暫時領先第2位嘅羅馬7分，榜首之位穩固，現時當務之急係應付歐聯，相信唔會浪費體力大炒「傻豹」巴勒莫。主Ｗ冇肉食，讓主「-2」太高風險，反而大細中位數3/3.5球，1.75倍入球細更值博。

（TVB 302周六凌晨3時45分直播）