今晚奧迪盃尾場由AC米蘭過江挑戰主人家拜仁慕尼黑，AC今季得到泰國富商「Bee先生」注資4.85億歐元（約41億港元）收購48%股份，復興有望士氣大振，加上喺教頭米赫洛域領軍下進步不少，喺國冠盃擊敗死敵國米1比0，又同皇家馬德里打和0比0，防守升咗呢，今場對拜仁睇嚟都係沿用穩陣行先。

拜仁日前喺德超盃對禾夫斯堡射輸12碼，未能捧盃，新兵維達爾後備上陣，今場或會獲派正選出戰。不過睇到拜仁近期嘅問題並非防守，而係前線進攻球員狀態唔夠弗，近3場連續開細，半場波膽咁啱亦係0比0，睇個勢今仗上半場會好膠着，半場和同半場0比0波膽都可一試。

（有線61、64、201及203台周三凌晨2時45分直播）