曼市雙雄大小通吃
曼市雙雄今晚英超周中快車分途出擊，無獨有偶，對手都係最近先至碰過面；曼聯繼英聯盃4強後，返回主場再鬥侯城，紅魔鬼之前對侯城，優勢唔大，加上主帥莫連奴一向甚少大炒對手，今次讓球半／兩球上盤唔值博，寧揀中位數2.5球入球細。（Now 622及LeSports HK應用程式周四凌晨4時直播）相反，曼城領隊哥迪奧拿夠豪邁，加上門將哥迪奧巴禾有球必應，今場作客韋斯咸，捧中位數3.5球入球大。

（Now 621及LeSports HK應用程式周四凌晨3時45分直播）

曼聯喺英聯盃4強兩回合對侯城，僅錄1勝1負，首回合主場小勝2比0，其中1球更加係臨完場先至攻入，稱得上係掹掹緊入決賽。從賽果所見，再次凸顯領隊莫連奴機關算盡嘅風格，絕對唔會浪費力量狂數對手，雖然上仗英足盃贏英冠下游球隊韋根4球，但只因對手防線太脆弱，彼此實力相差太遠所致。事實上，曼聯今季22場英超，僅得1場可以淨贏對手3球或以上，今場讓到球半/兩球太過辣，捧上盤隨時贏波輸盤，不如捧細盤好過。

侯城近7場英超作客只入1球，以此實力睇怕好難威脅紅魔鬼大門，前鋒艾保靴南迪斯上仗英足盃兩次主射12碼都唔入，腳風有幾差可想而知，如今就連信心都輸埋。另外，最大鑊係侯城竟然為錢出售首席射手辛迪加斯畀韋斯咸，球隊攻力大跌Watt之下，更加無力破蛋。

曼城鬥韋斯咸大有睇頭
另一場曼城1月初英足盃作客大炒韋斯咸5比0，之後韋斯咸表現醒番晒，連贏兩場共轟入6球，安祖卡路爾包辦3球，狀態弗到爆，加上今季聯賽入7球嘅辛迪加斯來投，火力有望再提升，應該唔會捧蛋。

曼城攻力一向唔成問題，反而門將哥迪奧巴禾始終畀人感覺靠唔住，球隊上仗英足盃贏水晶宮3比0，改由韋利卡巴尼路把關，讓領隊哥迪奧拿認真睇清實力，能夠喺門將席位上有更多選擇。不過，今場英超哥迪奧拿堅持用番愛將巴禾擔正，但睇嚟都幾難保持清白之身。曼城同韋斯咸近3次對賽，總入球都達係4球或以上，預計今仗又有入球騷，開大盤機會高。