英格蘭足總盃第4圈今晚繼續烽煙四起，衞冕嘅曼聯將會喺主場奧脫福球場迎戰2013年盟主、暫時英冠排尾4嘅韋根。對紅魔鬼領隊莫連奴嚟講，可以話係駕輕就熟喇，皆因莫帥去年加盟曼聯後，首場領軍嘅比賽就係對戰韋根嘅熱身賽，當時更以2比0擊敗對手。今晚兩隊喺正式賽事再度相遇，相信入球有多無少，入球大（3/3.5球）絕對係明智之選！（LeSports HK應用程式周一凌晨零時直播）

費Sir捧到朗尼上天
紅魔鬼最近嘅當紅人物一定係隊長朗尼，呢位31歲射手上輪聯賽對戰史篤城，喺補時階段射入罰球，係佢效力紅魔以嚟嘅第250球，超越名宿卜比查爾頓保持咗44年嘅入球紀錄，成為曼聯史上入球王，令所有批評同質疑佢嘅人收聲！就連前曼聯領隊費格遜，都大讚呢位昔日愛將嘅入球紀錄後無來者！畢竟朗尼相比起卜比查爾頓踢少200場比賽就寫下新里程碑，其次係今時今日，有幾多球員會效力一支球隊超過10年呢？

至於另一王牌射手伊巴謙莫域同樣搶鏡，入球量同球隊成績掛鈎，近10場有上陣嘅英超竟然轟入10個士哥，更當選為12月英超最佳球員！再加上經過半季適應同磨合之後，伊巴同隊友已經建立默契，連同保羅普巴同米希達利恩等都慢慢發揮出本身嘅最佳水準，令曼聯愈戰愈勇！

基歷治曾兩度攻破紅魔
另邊廂，英冠球隊韋根實力當然喺曼聯之下，球隊唯一有啲睇頭嘅就係基歷治。韋根球迷曾經幫呢位北愛爾蘭前鋒改編首歌叫《Will Grigg's on fire》，喺去年歐國盃比賽嗰時，仍有一班北愛爾蘭球迷更不停高唱！呢位歐國盃爆紅但無落過場嘅主力射手，仲曾經射破門神迪基亞大門添！大家仲記唔記得2014年英格蘭聯賽盃，曼聯慘吞甲組仔米爾頓凱恩斯4蛋，基歷治當時攻入2球，認真威水！相信今仗入波唔會少，入球大（3/3.5球）絕對係信心之選。