澳職新年繼續大開快車，今日上演墨爾本勝利主場迎戰紐卡素噴射機，主隊墨爾本勝利現時勢如破竹，馬高洛查士同貝利沙組成澳職最強鋒線，紐卡素噴射機喺2016年尾亦全面回勇，射手納博特屢有佳作，今仗駁火味濃，吼中位數3.5球嘅2.15倍入球大好穩陣。

（有線64及203台周一下午4時50分直播）

呢場波會喺維多利亞西蒙斯球場上演，而唔係喺墨爾本勝利嘅慣常主場AAMI公園球場舉行，不過墨爾本勝利係目前澳職狀態最好嘅球隊，近6場聯賽有5勝1和佳績，5場勝仗都攻入2球或以上，火力十足，新西蘭國腳馬高洛查士近8仗入8球，有力挑戰隊友兼拍檔貝利沙喺球隊首席射手地位（9球），呢條鋒線想冇波入都難啦！

噴射機入得失得
作客嘅紐卡素噴射機喺2016年底大踢爭氣波，經歷7場聯賽不勝之後，近3仗有2勝1和佳績，以今季最好狀態進入2017年。紐卡素噴射機突然復甦，前鋒納博特態勇係主要原因，上仗就係靠佢同安祖賀利各入1粒，主場2比2打和威靈頓鳳凰，今仗更有阿歷山大確高傷愈回歸，可以喺前線支援納博特，入球能力當然更高。

紐卡素噴射機近3仗每場都攻入2球，不過球隊防守漏洞亦值得關注，佢哋已經連續10仗有失波，後防甩漏要靠強大鋒線補鑊，今仗要搶分就要冒險同墨爾本勝利對攻，中位數3.5球嘅入球大真係咪錯過！