除英超之外，英冠、蘇超及比甲都開快車，阿King今次推介英冠白禮頓主場鬥昆士柏流浪，1.95倍嘅半場主勝可作過關重心。白禮頓上季升班附加賽功虧一簣，今季捲土重來表現對辦，已經保持16場聯賽不敗，近3戰更全勝，走勢非常凌厲。遇上5連敗嘅昆士柏流浪，3分手到拿來，主Ｗ略嫌冇分頭，一於揀更好分嘅半場主勝。

（周二晚8時30分開賽）

白禮頓過去4季有3季取得升班附加賽資格，可惜最後都同英超席位擦身而過，如果今季想避免悲劇重演，唯一方法係爭取前兩位直接升班。白禮頓吸取近年教訓後，今季踢落異常賣力，近16場聯賽獲得12勝4和，單計主場近5仗亦贏咗4場，水準夠晒平穩，今日有埋地利更加冇理由失拖。

反觀昆士柏流浪陷入低谷，聯賽5連敗之餘入得1粒，包括作客0比1輸畀包尾嘅洛達咸，表現可謂衰到貼地，作客面對如日方中嘅白禮頓，睇怕半場都頂唔住。

串鴨巴甸讓主真特客Ｗ
蘇超方面，鴨巴甸近6次主場對咸美頓，取得全勝兼不失球，其中3次更大勝3球或以上，擺明格食格，一於直取讓球主勝。（周二晚11時開賽）最後比甲亨克主場對真特，亦有類似情況，兩隊近5次對壘真特獲4勝1和，客勝值博。

（周三凌晨1時開賽）