連勝走出低谷
澳職喺「拆禮物日」上演兩場賽事，其中紐卡素噴射機主場對威靈頓鳳凰。噴射機連續兩場贏波走出谷底，球隊雖然仍有唔少傷兵，但面對開季5場作客賽事輸4場嘅鳳凰，噴射機有望延續近期氣勢，噴射機小讓平半，阿謙推介有2倍分頭嘅上盤。

（有線64及203台周一下午2時35分直播）

阿聯夫添唔赦FC悉尼
噴射機近兩場都贏波，走出早排不勝陰霾，加上前鋒阿歷山大確高已經好番，今仗大有機會復出殺敵，對球隊攻力絕對有幫助。鳳凰近兩仗雖然取得1勝1和，但呢兩場都喺中立場踢，球隊開季5場客戰輸4場，擺明作容腳軟，就算得中場麥堅治缺陣，今仗受讓都信唔過。

另一場係榜尾嘅阿德萊德聯主場對「一哥」FC悉尼，阿德萊德聯雖然兩連敗但全屬作客賽事，回師早前贏波開齋嘅主場，加上隊中冇傷停問題，夫添出擊有力同對手周旋。FC悉尼開季表現出色，仍然係聯賽嘅不敗之師，但球隊今季主場對「阿聯」都只係踢成0比0，似乎有啲畀阿德萊德聯「食住」，今仗失分唔出奇，讓球主客和FC悉尼讓一球，阿謙捧「阿聯」1.75倍讓球主勝。

（有線64及203台周一下午4時50分直播）