堤格雷斯缺基格納讓唔起
聖誕節各地大部分賽事皆停火，但「拆禮物日」早上墨西哥上演季後賽決賽次回合終極一戰，由堤格雷斯主場對CF阿美利加。兩隊首回合打和1比1，堤格雷斯今仗本可睇高一線，可惜主力射手基格納頭頸重創上陣機會微乎其微，對球隊爭勝有一定影響。而CF阿美利加今季作客未輸過，近12仗客戰更取得5勝7和表現平穩，今仗有力保住金身，讓球主客和堤格雷斯讓一球，阿謙推介CF阿美利加讓球客勝。
（周一早上8時30分開賽、馬會網上文字直播）
堤格雷斯上仗作客打和CF阿美利加1比1，但由於墨超季後賽賽制冇作客入球優惠，所以今場波可以話係重新嚟過。堤格雷斯主力射手基格納上仗雖有波入，但佢喺賽事途中因頭同頸部受傷要提早退下火線，今仗未知能否落場。基格納近4場替堤格雷斯上陣合共轟入6球狀態甚弗，如果今仗未能披甲，勢必削弱球隊爭勝機會。
近12場作客不敗受讓筍
至於CF阿美利加上仗喺落後下，憑住般奴華迪斯接應角球扳平，可見球隊韌力十足。CF阿美利加今仗雖然作客出戰，但球隊今季客戰表現甚勁竟未嘗一敗，近12場作客取得5勝7和嘅成績，可見球隊客戰表現硬淨，加上為慶祝成立100周年將力爭捧盃，阿謙相信佢哋有力頂住堤格雷斯來襲，一於捧讓球客勝。
