今晚英超頭場有車路士主場迎戰西布朗，車仔近期勇達巔峰，自從領隊干地轉踢343陣式後，呢架「深藍戰車」無堅不摧，挾聯賽8連勝兼狂轟22球嘅超強氣勢，要喺主場「輾壓」西布朗可謂毫無難度，讓球主客和「-2」照捧。

（Now 621及LeSports HK應用程式周日晚８時直播）

干地嘅343陣式拎到大成功後，愛華頓、熱刺、屈福特等球隊都爭相倣效，不過都係東施效顰，效果遠遜車仔，上仗榜首大戰車仔作客3比1後勝曼城後，錄得聯賽8連勝，睇嚟英超群雄仲未搵到破車仔新陣式嘅方法。

除變陣成功外，干地擅於激發球員對比賽嘅飢渴感，上仗臨時用盛傳離隊嘅法比加斯上陣，呢位沉睡多時嘅中場大師即有靚助攻，查實法比仔今季聯賽只披甲177分鐘，已經交出2次關鍵助攻，另一失落正選嘅韋利安亦喺對曼城之役後備入替攻入反先1球，呢種良性競爭激發眾將的鬥心。

西布朗遇強即屈
值得留意嘅係「藍戰士」喺聯賽8連勝中，有6仗至少贏2球，連「曼市雙雄」對車仔都要輸2球或以上，何況係遇強即屈、今季曾不敵「藍月亮」及利物浦嘅西布朗呢？讓兩球都濕濕碎啦！