今日下午澳職獨腳戲，有「一哥」ＦＣ悉尼主場迎戰珀斯光輝。ＦＣ悉尼一洗上季失落季後賽資格嘅頹風，連盃賽在內開咧連贏7仗堅有霸氣，相反珀斯光輝近期開始跌Watt，寧買當頭起，一於捧ＦＣ悉尼主勝。

（有線64及203台周日下午2時直播）

作為澳職傳統勁旅，ＦＣ悉尼上季竟然攞唔到季後賽入場券，真係羞家到暈，好彩佢哋知恥近乎勇，今季簽入巴甲甘美奧前鋒保保，連同原有嘅前線猛將荷洛斯高及保斯基，呢支三叉戟立即嚟料，3人喺聯賽夾埋攻入8粒，連同戴夫卡尼及連高域後上支援，帶領ＦＣ悉尼開季頭5場聯賽全勝殺上榜首，連同盃賽更錄得7連勝，仲入埋澳足盃決賽添，真係弗到爆燈，呢7仗狂轟19球之餘，仲只係失1粒咁大把，攻守都咁掂。

珀斯光輝雖於開咧後贏過勁旅墨爾本城，但近2仗聯賽1和1負，明顯跌Watt，單計近3仗失咗6粒。而且主力阿當泰加特及沙恩路尼因傷唔出得，守將祖舒亞列斯頓被澳洲國家隊召去踢「太公波」，令原本唔多穩陣嘅防線更加牙煙。睇埋對賽往績，光輝近6次對ＦＣ悉尼贏得1仗，今仗作客更加凶多吉少，主勝穩陣1.55倍咪嫌少。