周中歐聯熱門天下，巴塞、阿仙奴、拜仁全部大勝而回，相信一眾讀者都執到笑，不過今日又未必咁正路，是日重心推介場次，係英超尾場利物浦主場對西布朗，初盤紅軍要讓到1.5/2球咁多，實在離晒

大譜，但黑仔大戶竟然入定上盤，冇理由跟住佢哋一齊衰，加上近年對賽紅軍又冇乜甜頭，一於捧西布朗下盤。

（Now 621及LeSports HK應用程式周日凌晨零時30分直播）

雖然周中歐聯狂開正路波，但近期大戶嘅手風認真唔順，好買唔買，偏偏走去買拜仁對燕豪芬嘅下盤，最終拜仁大勝4比1，上盤及大盤統統殺晒，有時行緊衰運真係好難解釋。

歐聯上盤天下執到笑
一本通書唔可以睇到老，見到邊隊定邊個唔順，咪理咁多一於反佢，好似今晚利物浦對西布朗，儘管初盤紅軍要讓1.5/2球咁辣，但肥叔見到大戶早早入定上盤，既然佢哋着晒燈，梗係繼續反喇。

除咗大戶因素外，利物浦上仗被曼聯悶和0比0，5連勝斷纜被打窒道氣，而且佢哋一向海鮮波，唔好睇得太高。西布朗近況一般，不過近4仗亦有1勝3和，包括上仗臨尾先畀熱刺逼和1比1，始終係一舊難

啃嘅「豬頭骨」，況且近5次對住利物浦，錄得4和1負，輸嗰場只係輸1粒咁大把，今仗仲受讓1.5/2球，下盤不容錯過，不妨捧埋2.5球嘅入球大。