話咁快今屆歐聯分組賽嚟到第3輪，是日重心場次係A組巴黎聖日耳門(PSG)主場對巴素利。PSG雖貴為法甲班霸，可惜表現今非昔比，連法甲霸主個位都危危乎，來到歐聯場合唔好睇得太高，今仗佢哋要讓兩球，寧捧巴素利下盤。

（ICM有線流動版周四凌晨2時45分直播）

聖日耳門過去4季於法甲封王外，積埋積埋，令佢哋讓波方面拍得住其他頂級豪門。不過PSG近4屆歐聯皆於8強止步，距離爭冠仲差好遠，況且今季改由艾美利執教，前線仲冇埋伊巴謙莫域，卡雲尼失機多過食生菜，成隊波仲處於適應期，單睇聯賽只排第2，明顯退步，隨時連「山寨王」都未必保得住，點爭難度更高嘅歐聯？肥叔覺得PSG仍屬「偽豪門」，雖然要贏巴素利唔太難，但要讓到兩球咁辣唔多值博，好大機會贏波輸盤，一於捧巴素利下盤。

賓菲加作客唔赦基輔
至於B組基輔戴拿模主場對賓菲加，兩軍同樣未開齋，不過基輔同幾年前比已差幾條街，初盤要讓平半，純粹係主場因素，仲要有2倍咁筍，明顯係熱唔透，轉玩賓菲加下盤。

（ICM有線流動版周四凌晨2時45分直播）