今晚受注賽事以二線波為主，重心放在瑞典超奧雷布洛主場對佐加頓斯。奧雷布洛連續兩場賽和勁旅馬模，信心增強不少，加上佐加頓斯有主力受傷影響攻力，主隊受讓平半撐下盤。

（周二凌晨1時05分開賽）

瑞典超剛剛踏入次循環賽事，未計周日晚賽果，奧雷布洛現排聯賽榜尾二，為護級需積極搶分，球隊對上兩場面對前列勁旅馬模都唔使輸，士氣、信心獲提升不少，而且佢哋由5月開始主場聯賽已保持6場不敗，水準好穩定。佐加頓斯中場拿迪特甸納日前操練時受重創，宣布提早收咧，此子缺陣對佐軍前線有一定影響，作客讓波唔划算，宜取下盤。

咸史達斯半場和好路
另外兩場瑞典超，咸史達斯主場對加費萊，咸史達斯對上5場聯賽半場都跟對手踢成0比0，加費萊作客亦唔叻，今場捧半場和。最後哈馬比主場對諾高平，諾高平對上12場聯賽未輸過，而且對上兩場兩度打和榜首哥登堡，現排聯賽次席絕對唔係符碌，今場仲有得受讓必捧下盤。