今晚德甲有好嘢，升班球隊RB萊比錫主場對慕遜加柏，萊比錫開季表現出色，上仗造訪漢堡更大勝對手4球，顯示火力強勁。至於慕遜加柏作客表現遠遠不及主場，而且失波甚多，今仗隨時畀人喪入，阿King推介中位數2.5球嘅大盤。

（Now 672周四凌晨2時直播）

RB萊比錫係今季由德乙升班，球隊使咗超過4,000萬歐元買人，雖然都係啲唔算大名嘅球員，但呢班新兵好似前鋒迪姆華拿、中場拿比基達都有好表現，其中迪姆華拿上仗對漢堡更梅開二度，絕對冇入錯貨。RB萊比錫主場表現亦相當唔錯，近7仗取得4勝3和而且入咗14球，今仗要喺自己地頭入波相信並非難事。

慕遜加柏上仗聯賽大勝雲達不來梅4比1，成功終止兩連敗，但要留意對不來梅嗰場係主場賽事。事實上，慕遜加柏近兩場作客賽事輸晒之餘仲失咗7球，可見球隊客場出戰表現係會大打折扣，今仗造訪態勇嘅RB萊比鍚，仲有前鋒祖斯比迪米斯同後衞艾華路杜明基斯等因傷唔踢得，相信難以保住清白之身，一於捧中位數2.5球嘅大盤。

串祖記曼城讓球勝
另外，祖雲達斯剛喺周一凌晨畀國際米蘭打破聯賽不敗身，球員谷埋一吐氣返到主場，面對作客4連敗嘅卡利亞里，勢必大炒對手一吐烏氣，捧讓球主勝。（TVB 302周四凌晨2時45分直播）至於英超一哥曼城，會喺英聯盃第3圈作客排第15嘅史雲斯，曼城今仗雖有阿古路同洛尼圖停賽，但利萊辛尼、捷西斯拿華斯同養傷多時嘅隊長高柏尼可以上陣，相信有力輕取狀態一般嘅史雲斯，捧讓球客勝。

（周四凌晨2時45分開賽）