皇家馬德里喺西甲開咧後勢如破竹，頭3仗聯賽全勝更轟入10球，氣勢相當驚人。周一凌晨「銀河艦隊」作客愛斯賓奴，後者一向係皇馬嘅「私房菜」，加上皇馬剛獲國際體育仲裁法庭批准，球隊內的未成年球員仍可上陣，喺利好消息刺激下，皇馬相信可反客為主大勝一場，阿謙推介讓球客勝。

（Now 632周一凌晨2時45分直播）

上季兩循環愛斯賓奴吞6蛋
「愛奴」近年喺西甲排名穩定，一直都係中游分子，但每次面對皇馬都變成「魚腩」。兩軍近6次聯賽交手，「銀河艦隊」錄得全勝之餘，最近5場對賽仲起碼贏愛斯賓奴兩球或以上，當中包括上季主客兩循環皆派6隻光蛋畀對手，擺明係「格食格」，愛斯賓奴球員未開波，心理已經輸咗一截。

事實上，「銀河艦隊」開季狀態相當理想，中鋒艾華路莫拉達、中場莫迪歷同卻奧斯等主力都已經開齋，當然唔可以漏咗傷愈復出即入波嘅王牌基斯坦奴朗拿度，佢最近3次對愛奴入11球。「銀河艦隊」人腳鼎盛兼狀態火熱，再加上剛獲國際體育仲裁法庭批准，早前受到國際足協轉會禁令影響嘅未成年球員，將能夠繼續效力皇馬各個梯隊並參加比賽，這對球隊而言絕對係利好消息，今仗作客有力大炒愛斯賓奴。