另一場歐霸外圍賽附加賽，由希臘沒落班霸彭拿典奈高斯主場迎戰丹麥邦比，捧讓球客勝。

（周五凌晨2時開賽、馬會網上文字直播）

前鋒普基近3仗轟8粒
彭拿典奈高斯近年喺國內賽事一直被宿敵奧林比亞高斯騎住，上一次贏希臘超級聯賽冠軍已經係6年前嘅事，明顯不復當年勇，而且聯賽仍未開咧，眾將狀態成疑。

相反，由於丹超已經開鑼，邦比嘅狀態更有保證，曾效力史浩克04嘅芬蘭前鋒普基，近3仗轟入8粒，腳風順到冇朋友，加上邦比喺上圈歐霸外首回合落後1粒下，於次回合以3比1擊退德甲勁旅哈化柏林，贏得堅有說服力，今仗造訪彭拿典奈高斯，至少能全身而退。