近4季主場開咧戰贏晒
今晚西甲壓軸尾場，由馬德里體育會主場出戰升班球隊艾拉維斯。馬體會近幾年已證明係西甲3雄之一，今夏仲買入加美路等筍貨，為爭標開靚個頭，今仗對艾拉維斯殺無赦，況且「床單兵團」每逢首仗主場聯賽堅搶韁，主Ｗ冇肉食之下，不妨轉捧1.66倍半全場嘅「主主」。
（Now 632周一凌晨4時15分直播）
馬體會曾喺2014年力壓巴塞及皇馬2大班霸，勇奪西甲冠軍，上季一直鬥到倒數第2輪先投降以第3名衝線，而喺歐聯亦都淘汰過巴塞，去到決賽先以互射12碼輸畀同市死敵皇馬，韌力之強可見一斑。主帥施蒙尼向來唔服輸，上季兩大錦標功虧一簣反而更激起佢鬥心，今夏唔單止冇賣走核心球員，仲簽入西維爾射手加美路及賓菲加中場發電機奧斯華度加坦，絕對係「對症下藥」嘅收購，尤其加美路早已適應西甲，撞啱應屆歐國盃神射手基沙文今仗要坐波監，正好畀呢位同屬法國嘅射手騷哥利。
艾拉維斯火力疲弱唔夠砌
艾拉維斯以乙組冠軍身份重返西甲，但人腳有限，喺前華倫西亞教頭比歷堅奴帶領下，季前熱身賽和波居多，暴露出攻力疲弱嘅問題。最弊係佢哋撞正馬體會，「床單兵團」除實力贏幾條街之外，仲擅打主場開咧戰，近4季首仗主場聯賽贏晒之餘，更加係上半場已Lead住對手兼贏到尾，半全場全部開「主主」擺明搶韁，主Ｗ得1.15倍冇肉食，轉玩有1.66倍嘅「主主」好過。
