摩納哥追擊緬恩斯

「妖人」艾沙拉維有料到
摩納哥今夏借到AC米蘭球星艾沙拉維，加強前線活力。呢位22歲前鋒喺「地標戰」對燕豪芬嘅熱身賽即有士哥，狀態睇嚟唔錯。有呢位「妖人」相助，摩納哥今場對住不在狀態嘅緬恩斯，2.15倍主W梗係玩得過啦！（開賽時間：周四凌晨1:00）

緬恩斯剛開操未夠態
摩納哥今夏有唔少人離開，球隊次席射手貝碧托夫都走埋，得番上季冒起嘅安東尼馬迪爾。佢哋唔回收哥倫比亞射手法卡奧，反而向AC借22歲「妖人」艾沙拉維，又竟然畀佢哋借到。呢位意大利年輕球星，近兩季受盡傷患困擾，只為AC踢過28場咁大把，不過佢喺熱身賽對燕豪芬處子登場即有入波，狀態似乎返晒嚟。摩納哥已經打咗6場熱身賽，雖然頭3場輸晒，但近期明顯已經上力，先後擊敗昆士柏流浪同燕豪芬。

對手緬恩斯啱啱先開操冇耐，上場對住另一支法甲球隊聖伊天都只係以1:1打和，狀態唔足，今場對住上晒力嘅摩納哥，都係寓賽於操居多，輸少當贏當谷吓狀態好過啦！