明早另一場國冠盃由法甲巴黎聖日耳門（PSG）鬥意甲費倫天拿；PSG上場對賓菲加雖然缺少一眾出戰美洲盃嘅南美兵，前鋒伊巴謙莫域和中場馬高華拉堤亦冇上陣，但一班生牯仔巴希碧克、拉比奧特、盧卡斯洛迪古斯踢來一樣虎虎生威。嚟緊PSG會出戰車路士、曼聯兩大勁旅，相信教練白蘭斯會繼續催谷旗下球員，務求以最佳狀態迎接新球季。

費倫天拿今季雖然放走咗上季尾踢到曉飛嘅借將穆罕默德沙拿，但其餘主力包括基奧斯比羅斯、巴迪積、伊利錫等等今次均有隨隊，就算佢哋狀態及唔上已踢一場國冠盃嘅PSG，但為博新主帥保羅蘇沙歡心亦唔會錫身，首選入球大。（有線61及201台周三早上8時35分直播）