教頭落Order爭首名
美洲金盃C組上演最後一輪分組賽，由依家排第2嘅墨西哥對千里達，和波即攜手出線。墨西哥雖強陣出擊，但上仗對危地馬拉竟然交白卷，就知呢班波狀態麻麻，一於冷敲4.25倍嘅「讓客」啦！（開賽時間：周四早上8:30）

墨西哥狀態飄忽
墨西哥近8戰僅得1勝，就係金盃首戰大炒古巴6蛋場波，以為好fit啦，點知佢哋上仗出晒主力對危地馬拉，喺全場狂攻嘅優勢下只能打和0:0，完全信唔過。

另邊廂有6分在手嘅千里達，教頭史堤芬赫特揚言要首名出線進身8強，換句話講拎1分就得，班球員點敢唔聽話先？佢哋實玩死守悶波啦，況且和波就一齊出線，「讓客」好路呀！