日職次階段上周開鑼，首階段冠軍浦和紅鑽首戰對松本山雅旗開得勝，今場作客護級球隊山形山神，好多人都睇好佢哋可以再贏一場，搞到客W得1.48倍，熱成咁，不如博1.95倍嘅大。浦和紅鑽兩大王牌射手武藤雄樹同興梠慎三狀態keep住大勇，要入波話咁易喇！（有線64及203台周三晚6時直播）

浦和紅鑽5日內踢兩場作客賽事，好彩對手都唔強，加上紅鑽陣容強大，板櫈深度充足，如果唔係都唔可以喺日職首階段以17戰不敗佳績封王喇！紅鑽兩大前鋒武藤雄樹同興梠慎三喺首階段分別入咗8球同7球，助紅鑽成為火力最強球隊，上場對住松本山雅，又係佢兩入波幫球隊贏波，勁呀！

山形山神喺首階段排16位，有降班危機，球隊為爭取護級，最近舉行咗誓師大會，佢哋依家冇得再縮，要搶分就要入波，今晚大家等睇入球騷喇！

柏雷素爾頂到水手
科娜講埋另一場直播賽事，橫濱水手同柏雷素爾會喺中立場橫濱三澤公園球技場對壘，橫濱水手近四仗一場不勝，狀態令人擔憂，柏雷素爾上場輸波皆因失波太早，後防崩潰，搞到下半場追極都追唔番，今場只要先做好防守，就有望保住不敗，下盤受讓平半值得捧場。（有線61及201台周三晚6時直播）