為遇襲身亡球迷而戰
瑞超今晚有話題大戰上演，希爾星堡喺主場對佐加頓斯，正式係仇人見面。事關兩隊喺上季碰頭嗰陣，開賽前佐加頓斯有球迷遇襲身亡，導致比賽喺踢成1:1嘅時候腰斬，為咗安撫擁躉，形勢上佢哋絕對唔衰得，平手盤一於博1.76倍嘅佐加頓斯！（開賽時間：周二凌晨1:05）

希爾星堡處於重建期
希爾星堡教練軒歷拿臣係我最欣賞嘅球星之一，上季佢帶領科根堡護級成功，所以被邀請重返希爾星堡執教。只不過咁，現時呢班波仲喺重組階段，開季至今表現普通，上星期更加作客以2:3不敵赫根，士氣麻麻，想要佢哋喺今場大戰有貨交，未必得囉！

另邊廂嘅佐加頓斯連續11場聯賽不敗，雖然佢哋近期氣勢回落，好在佢哋上星期總算喺主場以2:0打沉奧雷布洛，總算重響勝鼓，加上發生球迷身亡事件後，上季佐加頓斯返主場對希爾星堡，只能夠同對方踢成2:2，如果今場夫添出擊都唔贏，擁躉肯定唔高興啦，鬥心搭夠唔捧等幾時先？