上季囊括國內3大錦標嘅法甲豪門巴黎聖日耳門（PSG）喺今夏轉會窗動作唔多，新加盟球員暫時只有來自德甲嘅法蘭克蘭門將奇雲查普，離隊嘅中場卡比耶及中堅蘇馬拉卡馬拉上季已失去正選位置，料對整體實力影響不大。

PSG現時正喺奧地利進行集訓，今晚會進行首場季前熱身賽對維也納體育會，後者屬奧地利第3級別隊伍，上場熱身賽對西甲華倫西亞淨吞4蛋，實力明顯未夠班。PSG一班巨星伊巴謙莫域、卡雲尼、柏斯托尼、大衞雷斯仍未歸隊，但仍有盧卡斯洛迪古斯、莫達、麥士維和巴希碧克等主力壓陣一樣夠殺，要打響頭炮絕冇難度。