啱啱喺歐霸盃16強出局嘅拉素，都仲未有足夠時間收拾心情，今晚重返意甲即作客AC米蘭。「藍鷹」早前作客連續7場不勝，加上球隊後防傷兵問題未解決，呢次造訪主場特醒嘅「紅黑軍團」，怕且難逃一敗，撐1.9倍主勝。

（TVB301周一凌晨3:45直播）

拉素歐霸出局力疲心傷
原先拉素有望喺歐霸盃走得更遠，可惜佢哋未能把握首回合，作客打和布拉格斯巴達1:1優勢，上仗次回合喺主場即使佔盡上風，但最終慘吞3蛋出局，咪話唔打擊軍心。班波最慘係後防傷兵滿營，包括守將迪維積、杜辛巴斯達、鴨都拉干高等4人均未有復出消息，呢鋪真係想死守搏1分都難。

何況AC米蘭重拾主場聲勢，近7次主場出擊取得6勝1和佳績，佢哋肯定把握呢次機會，追番對上2仗聯賽作客失去嘅分數。加上主帥米赫洛域早前澄清自己喺季尾離隊傳言，並矢志帶領AC重返歐洲賽，呢次邊可以放過痛打「殘鷹」機會先？主勝放心捧場。