經過3個月嘅漫長歇冬後，俄超今個星期重燃戰火，歇冬後首輪聯賽最矚目賽事，非榜首莫斯科中央陸軍主場對排第4位嘅莫斯科斯巴達莫屬。中央陸軍近年鬥斯巴達稍佔上風，加上對方連續2季喺歇冬後出事，相信中央陸軍可以順利得勝，1.78倍主勝值得捧場。

（有線64、203周一凌晨0:30直播）

中央陸軍上年喺歐聯B組包尾出局，連轉戰歐霸盃都冇份，所以聯賽已經成為球隊主要目標，鬥心唔使懷疑。球隊啱啱亦喺俄盃8強作客2:0擊敗烏法，增加信心之餘，亦有利提升球員狀態。況且中央陸軍近4次面對莫斯科斯巴達3次獲勝，今仗乘勇出戰有力再下一城。

莫斯科斯巴達往往喺歇冬假期後跌watt，對上2季歇冬後首戰均落敗而回，上季主場1:3不敵卡斯洛達，前季以0:1敗走泰歷克，實難予人信心。而且佢哋已經連續3場作客不勝，今次造訪一哥中央陸軍好難搶分。