日職第2階段激戰今日開戰，大阪飛腳喺主場對甲府風林，2.12倍「讓球主勝」值得吼實。事關飛腳王牌宇佐美貴史信心大過天，喺賽前發出奪冠宣言，講明有信心帶領班波奪取第2階段聯賽冠軍，對家嘅甲府風林救星有傷未必踢得，唔值得冷敲。（有線64、203周六晚6:00直播）

美貴史揚言力爭衞冕
飛腳以第4名完成首階段賽事，最近佢哋簽入清水心跳前鋒長澤駿，目的係打多個射手，安排宇佐美貴史退後打中場，增強全隊創造性。由於長澤駿跟過飛腳教頭長谷川健太搵食，相信好快融入新環境，難怪上仗喺首階段收咧戰大演帽子戲法嘅宇佐美貴史，對第2階段賽事充滿信心，仲話明會幫球隊實現日職2連霸，勁有信心。

風林射手巴爾有傷
另邊廂嘅甲府風林喺首階段聯賽排第12位，弊在喺開季後加盟嘅救星巴爾，仲未肯定可以傷愈復出，換句話，佢好大機會錯過倒戈出戰嘅機會，要知道甲府能夠翻生，好大程度係因為有佢加盟，最慘係呢班波入球能力超低，開咧後得12個聯賽入球，屬於日職火力最差球隊，加上防線唔算太穩陣，好容易畀飛腳炒到曉飛。