同晚另一場英超「一哥」李斯特城作客第12位嘅屈福特，「狐狸」近期表現較反覆，球隊板櫈深度唔夠，球員有疲態下半場未必咬得入屈福特。反觀屈福特近8仗都開半場和，而聯賽更已連續5仗都開出半和，一於繼續追！

（now 621周日凌晨1時30分直播）

李斯特城近3仗聯賽先係作客輸畀阿仙奴，回師主場雖然先擊敗諾域治，但周中主場對西布朗喺領先下竟被對手追和，反映球隊板櫈深度不足，面對快車賽期人腳出現捉襟見肘情況。李斯特城今仗有中場悍將尼高路簡迪因傷缺陣，作客半場未必咁易咬得入屈福特。

連開8口半和可再追
經過早前一輪小低潮後，屈福特近況已經回勇，雖然周中作客曼聯輸0比1，但頂到83分鐘先失守已經有交代。屈福特前鋒恩哈路近期入波雖然少咗，但球隊防線表現有進步，挾連續8場開半場和之勢，加上兩軍首循環交鋒半場亦冇交收，今仗自然再追半場和。