今晚3場西甲賽事，其中「地上最強」巴塞隆拿會造訪華歷簡奴。巴塞近期嘅賽程相當頻密，為免搏殘前線「MSN」組合，所以最近作客都好少開殺戒，近5仗客戰有4場開出細盤；加上華歷簡奴近況唔錯，主場應該頂得兩嘴，阿謙相信巴塞今仗又係小勝居多，入球大細中位數去到3.5/4球，細盤更值得捧場。

（now 632周五凌晨4時直播）

巴塞坐擁美斯、尼馬及蘇亞雷斯這個「MSN」三叉戟組合，令各隊聞風喪膽，但由於要兼顧3條戰線，所以自1月後就經常一周雙賽，賽程頻密對球員消耗甚大。巴塞主帥安歷基為免搏殘一眾主將，除作出適當輪換外，球隊每逢作客都踢得有啲保留。好似早前西甲作客弱旅拉斯彭馬斯，巴塞半場領先2比1後刻意放慢節奏保持比數完場，查實「地上最強」近5仗作客有4場總入球唔過3球開出細盤，可見安歷基深明留放之道。

華歷簡奴主場先求穩守
華歷簡奴近7仗聯賽未輸過表現唔錯，而球隊護級亦重現曙光。雖然華歷簡奴近年對巴塞隆拿都係大敗收場，但以呢班波近期嘅狀態，加上今仗主場出擊，相信都會先做好防守，盡力減少失球，再伺機打反擊，避免重蹈首循環作客慘輸2比5嘅覆轍。阿謙估計今仗巴塞只能小勝而回，入球大細中位數上調至3.5/4球，更加要捧細盤。