穩陣大師對壘
另一場歐聯16強首回合賽事，由兩支保守之師對壘，燕豪芬喺自己地頭恭候馬德里體育會。燕豪芬喺今屆歐聯力求穩陣行先，分組賽6戰開出5口半場和，加上今仗欠主力射手盧克迪莊，更欠強攻本錢，對住同樣穩中求勝嘅馬體會，相信半場幾難分出高下，1.98倍半場和唔好錯過。

（有線62及202周四凌晨3:45直播）

燕豪芬6場分組賽5次開半和
燕豪芬陣中雖然冇幾多個有豐富歐聯經驗嘅球員，之但係班波非常沉得住氣，唔會急住搶攻。佢哋喺6場分組賽開出5口半場和，就算3次主場出擊，都係等換邊後先分勝負，今場仲要有首席射手盧克迪莊坐波監，勉強搶攻隨時得不償失，相信佢哋力會繼續以穩守突擊應付馬體會。

馬體會防守有幾叻唔使多講，剩係睇佢哋成為西甲失球最少球隊就知。今屆係「床單軍團」連續第3屆殺入歐聯淘汰賽，值得留意係佢哋對上2屆喺16強首回合，賽程都係先客後主，呢2場賽事都係開出半場和，相信主帥施蒙尼都唔會突然改變穩守戰術。既然兩軍都係保險為上，半場和梗係抵玩。