阿甲聽朝仲有3場波，兩支不敗之師拉魯斯同圖庫曼體育會正面硬撼。拉魯斯主場表現向來唔錯，但升班球隊圖體會作客贏過班霸小保加，實力不容低估，兩隊正面交鋒應該會踢得進取，阿King估計今場入波唔會少，捧大盤！

（周三早上8時15分開賽）

拉魯斯開季表現理想，前射手荷西辛特今季回巢後表現出色，包辦球隊近兩仗贏波嘅3個入球，可見其狀態甚弗。拉魯斯並唔係今季季初先有好成績，球隊其實去季最後4場都贏晒，加上開季嘅3連勝，唔覺唔覺跨季已經連贏7場，今仗主場出擊對住升班球隊圖庫曼體育會，相信會踢得進取。

拉費爾拿阿度斯維串W
圖體會係上季阿乙冠軍，佢哋暫時最令球迷震驚嘅係作客擊敗勁旅小保加，雖然小保加當時狀態麻麻，但能夠頂住呢支阿甲勁旅嘅攻勢，絕對唔係「符碌」。圖體會開季同樣取得3連勝，主力射手李安度干沙利斯同文尼迪斯各入兩球狀態甚弗，今仗應會同拉魯斯鬥攻，捧入球大啱數！

至於另外兩場阿甲，坦柏利開季三戰零入球，攻力明顯出現問題，遇上主場未「開齋」嘅拉費爾拿應該冇連行。

（周三早上6時開賽）

至於阿度斯維主場已連贏兩仗，加上上周冇比賽，養精蓄銳可擊敗學生隊。

（周三早上8時15分開賽）