今晚英足盃16強尾場有全英超對決，般尼茅夫主場惡鬥愛華頓。雙方今季聯賽碰頭踢成3比3激到爆，般茅對上兩圈英足盃均喺先失波下反勝，撞正近4仗作客全開大、有聯賽射手榜3哥盧卡古壓陣嘅「拖肥糖」，隨時合演入球騷，大盤咪走寶。
（周日凌晨1時15分開賽）
聯賽激和3比3
般茅踢法進取，有前冇後打死罷就，上兩圈英足盃先後作客反勝英冠伯明翰與英乙樸茨茅夫，今仗返主場更加唔會龜縮，睇番佢哋近4次主場出擊，有3次能攻入對方3球，攻力強勁。般茅今季最經典之役，絕對係上年11月聯賽主場對愛華頓，喺完場前連追兩球扳平，補時5分鐘再失波諗住輸硬，點知佢哋仍未放棄，最終喺補時8分鐘靠史坦尼斯拿斯建奇功追成3比3，可見呢班波攻力唔曳。
愛華頓今季聯賽入46球，攻力媲美前4名球隊，「新魔獸」盧卡古依家喺聯賽有16個士哥，身後嘅艾朗連儂、巴克里、米拿拉斯或迪路菲奧提供足夠支持。再者愛華頓作客時進攻更流暢，「拖肥糖」近4仗作客全開大，當中3次攻入對手3球，面對連續5仗均有失波嘅般茅，入球大最好路。
