今季英超有「狐狸」彈起，蘇超一樣有鴨巴甸上位，力圖打破傳統勁旅壟斷冠軍局面。鴨巴甸最近走勢凌厲，連贏4仗包括砌低爭標對手些路迪，足見班波爭冠決心有幾大，呢鋪作客恩華尼斯有力再下一城，鴨巴甸讓半一照撐2.16倍上盤。
（TVB301周二凌晨3:45直播）
蘇超自從格拉斯哥流浪喺2012年破產降班後，自此得番些路迪一家獨大，連奪4季聯賽冠軍，真係令人睇到悶。好在今季終於出現鴨巴甸呢隊挑戰者，適逢些路迪今季演出反覆，有可能同呢支蘇格蘭班霸拗手瓜鬥餐死。
僅落後「1哥」些路迪3分
鴨巴甸自從由上年11月開始，踢出連續12場聯賽不敗走勢，當中更激喺今個月初主場，直接砌低爭標對手些路迪2:1。呢班波現時落後些路迪3分，依然保持爭標希望，今仗作客恩華尼斯肯定搏命。
恩華尼斯主場往績輸蝕
事實上鴨巴甸作客特別醒神，連續4場聯賽客場贏波之外，場場至少攻入對方2粒，前鋒阿當朗尼個人更包辦5粒添，火力夠晒保證。況且近3次造訪恩華尼斯，其中2次均可全取3分，以家陣佢哋勁恨攞冠軍嘅心態，睇怕恩華尼斯今次都係難逃一敗咯。
