今日講吓墨西哥聯賽，墨超同好多南美波一樣，聯賽分春、秋兩個階段，今年一月開始進行秋季聯賽，同時間亦踢緊墨西哥盃，都係一周兩賽嗰隻，墨超今周係第六輪，暫時帶緊頭嘅蒙特雷，但墨西哥波壇焦點反而係利昂，呢支中部球隊近期表現，令唔少人包括賭仔及莊家都大跌眼鏡。

易帥後跌晒Watt
只要大家睇一睇賽績就明白點解咁講，連埋盃賽，利昂開季連贏四場係威係勢，但去到一月廿八號嗰場聯賽後就連輸四場，十足肚瀉一樣，輸波輸盤令人跌晒眼鏡。原來利昂大跌Watt，係同教練比斯宣布走人，去咗做智利國家隊領隊有關，佢一走成隊波就散晒，由於亞洲呢邊唔係咁多人留意，搞到好多人損手。

最搞嘢嘅係，原來利昂呢隊波，墨超春踢17場，一場都未和過，賽績係10勝7負，如果計埋盃賽，踢28場仍只係和過2場，今個秋季情況又係一樣，連盃賽8戰未和過波，嚟緊球隊作客瓜達拉哈拉，不妨扒冷揀個客W。

（周一凌晨2時開賽）