西甲3哥皇家馬德里主場迎戰第6位嘅畢爾包，「銀河艦隊」新帥施丹至今領軍5場，錄得4勝1和佳績，暫時睇落搵啱人，加上超強主場威力，近7仗主場都淨勝2球或以上，畢爾包今晚作客堅大鑊，皇馬1.59倍讓球主勝夠晒穩陣。

（now 632周六晚11時直播）

皇馬依家落後榜首巴塞4分兼打多1場，今季「銀河艦隊」致命傷係作客失分太多，輸過畀西維爾同維拉利爾，亦和過貝迪斯，上場作客CF格蘭納達亦爭啲痛失2分，好彩莫迪歷臨完場一腳世界波救全家，否則皇馬差唔多宣布投降都得。皇馬剩番嘅西甲賽程唔算難踢，爭標仲有希望，現階段最緊要做好自己，尤其主場賽事唔可以失拖。事實上皇馬主場威力勁，近7仗主戰至少贏2粒，包括狂炒華歷簡奴10比2、贈拉科魯尼亞同愛斯賓奴5蛋同6蛋，炒人炒到好誇張，加上過去6次主場鬥畢爾包又係場場大勝，6場均淨勝對方2球或以上，畢爾包今場都係聽炒。

皇馬雙箭爭住搶胡
畢爾包今場有中場伊拜高美斯及魯爾加西亞因傷缺陣，而皇馬亦有加里夫巴利、比比及馬些路3名傷兵，但「銀河艦隊」前鋒賓施馬近期腳風順，連續6場有士哥共入8球，加上王牌C朗拿度最叻喺主場數胡，上仗炒愛斯賓奴食出大三元，再上一場主場炒希杭亦梅開二度，上季皇馬主場炒畢爾包5比0，C朗都大演帽子戲法，今場熱捧讓球主勝呀！